“Челси” "Барселона" ва МЮ нишонидаги футболчи учун 10 миллион маош бермоқчи

“Челси” “Наполи” марказий ҳимоячиси Калиду Кулибали учун йилига 10 миллион евро маош тўлашга тайёр. “La Gazzetta dello Sport” нашри хабарига кўра, ҳозирда сенегаллик футболчининг агенти Лондон клубининг таклифини кўриб чиқмоқда.

Кулибалининг "Наполи" билан шартномаси тугашига бир йил қолди. Клуб ўз ҳимоячиси учун 40 миллион евро талаб қилмоқда. Аммо бу сумма "Челси"ни бироз чўчитяпти. Сабаби, лондонликлар 30 ёшли футболчи учун бунча тўлашга тайёр эмас.

Эслатиб ўтамиз, аввалроқ Кулибалига "Манчестер Юнайтед" ҳам таклиф жўнатганди. Аммо “қизил иблислар” бошқарувига Эрик тен Хаг келганидан кейин клуб бу хариддан воз кечишга қарор қилди. Шунингдек, "Барселона" ҳам уни сотиб олмоқчи.

Маълумот ўрнида, ҳимоячи якунига етган Италия А Сериясининг 27 учрашувида майдонга тушиб, ўз ҳисобига 3 гол ва 3 ассистни ёздириб қўйган.

Фикрлар

Фикр қолдириш учун авторизациядан ўтинг!