“Chelsi” dunyoning eng iste’dodli himoyachisini sotib olmoqchi

“Chelsi” xo‘jayinlari yozgi transferlar vaqtida “Lill”ning 18 yoshli himoyachisi Leni Yoroni qo‘lga kiritishni ko‘zlayapti. “Aristokratlar” bu himoyachi 39 yoshli Tyago Silvaning o‘rnini bosishiga ishonmoqda.

Evening Standard nashrining yozishicha, London klubi xo‘jayini Todd Byoli har bir pozitsiyaga 23 yoshgacha bo‘lgan dunyoning eng iste’dodli futbolchilarini olib kelishni reja qilgan.

Agar Yoroni qo‘lga kiritishning imkoni bo‘lmasa, zaxira varianti sifatida Usmon Diomande (“Sporting”) va Jan-Kler Todibo (“Nitstsa”) tanlangan.

Leni Yoro uchun yanvar oyida PSJ 50 million evro taklif qilgandi. Biroq “Lill” rahbariyati bu summani qabul qilmadi.

Iqtidorli himoyachiga parijliklardan tashqari “Bavariya”, “Manchester Yunayted”, “Manchester Siti”, “Liverpul”, “Tottenxem” va “Vest Xem” ham da’vogarlik qilmoqda.