"Челси" футболчиси Мадридга йўл олиши мумкин

Лондоннинг "Челси" клуби ҳимоячиси Марк Кукурелья фаолиятини Испания Ла Лигасида давом эттириши мумкин.

"Fichajes" нашри берган хабарларга кўра, испаниялик латералнинг хизматларига Мадриднинг "Атлетико" клуби қизиқиш билдирмоқда. "Матрасчилар" устози Диего Симеоне Кукурельяни жамоага олиб келишни хоҳламоқда. Бироқ "аристократлар" жамоанинг етакчиларидан бирига айланган футболчини сотишни истамаяпти. Кукурельянинг Лондон клуби билан амалдаги шартномаси 2028 йилнинг ёзигача амал қилади. Футболчининг нархи 50 миллион еврони ташкил этади. 

Маълумот учун, фулбек жорий мавсумда барча мусобақаларда умумий 23 учрашувда майдонга тушиб 2 та голли узатмани амалга оширди.