“Челси” ҳайдаётган футболчини 9 та клуб сўраяпти

Sky Sports нашри “Челси”даги ҳолатга эътибор қаратди. Ўтган йили ёзда “аристократлар”нинг ўша пайтдаги бош мураббийи Томас Тухель “Барселона”да ўйнаб юрган эски шогирди Пьер-Эмерик Обамеянгни Лондонга олиб келганди.

Орадан кўп вақт ўтмай, германиялик мутахассис истеъфога чиқарилди. Кейин “Челси”ни бошқарган бирорта бош мураббий габонлик тўпурарга имкон бермади.

“Челси”ни кейинги мавсумга тайёрлаётган Маурисио Почеттино ҳам 33 ёшли футболчига суянмаслигини айтган.

Шунга қарамай, Обамеянгга тўққизта жамоа иш беришга тайёр. Манбанинг таъкидлашича, Саудия Арабистони тўрт клуби – “Ал-Иттиҳод”, “Ал-Ҳилол”, “Ан-Наср”, “Ал-Аҳли”, Европанинг беш клуби – “Барселона”, “Интер”, “Милан”, “Галатасарой” ва “Фенербаҳче” тажрибали тўпурарга кўз тикмоқда.