"Челси" иккита суперфутболчи танлади

Лондоннинг «Челси» клуби ярим ҳимоячилар Алекс Скотт («Борнмут») ва Адам Уортонни («Кристал Пэлас») қишки трансфер ойнаси учун асосий номзодлар сифатида кўриб чиқмоқда.

CaughtOffside маълумотига кўра, клуб раҳбарияти қишда жамоанинг марказий чизиғини кучайтириш масаласини ички муҳокама қилиб бўлган. «Манчестер Сити»га Энцо Фернандес сотилганидан сўнг, лондонликлар катта миқдорда трансфер амалга ошириш имкониятига эга.

- «Челси»  бир нечта номзодларни кўриб чиққан. Жоржиньо Вейналдум исми ҳам тилга олинган, аммо раҳбарият бир овоздан январда пайдо бўладиган имкониятларни кутishga қарор қилди. Ҳозирча Скотт ва Уортон асосий мақсад сифатида кўрилмоқда, — дея манба сўзларидан иқтибос келтиради нашр.

Ўтган ёзда «Борнмут» клуби раҳбарияти «Челси»нинг Скотт бўйича таклифини рад этган ва футболчини камида 2027 йилгача сотишни режалаштирмаётганини маълум қилган эди. Шунга қарамай, лондонликлар январда яна бир бор клуб позициясини синовдан ўтказиш ниятида. Альтернатив вариант сифатида Уортон кўрилмоқда, бироқ «Кристал Пэлас» ҳам ҳозирча ўз футболчисини сотишга тайёр эмас.

Шу билан бирга, «Челси» мутасаддилари «Монако» ёзги трансфер ойнаси якунланиш арафасида унинг ўтишига тўсқинлик қилганидан кейин Ламин Камара бўйича музокараларга қайтиш вариантидан воз кечган.