"Chelsi" Markus Reşfordni ijaraga olish variantini ko‘rib chiqmoqda

Londonning “Chelsi” klubi “Manchester Yunayted” hujumchisi Markus Reşford uchun kurashga qo‘shildi. O‘tgan mavsumda 28 yoshli angliyalik vinger ijara asosida Kataloniyaning “Barselona” jamoasida to‘p surgan edi. “Ko‘klar”ning qiziqishi haqidagi xabarni TEAMtalk nashri insayder Saymon Fillipsgа tayanib yozmoqda.
 

Manba ma’lumotiga ko‘ra, londonliklar rahbariyati futbolchining transfer huquqini to‘liq sotib olish variantni mutlaqo ko‘rib chiqmayapti. “Chelsi” faqat ijara shartnomasiga rozi. Bunday yondashuv klubning murakkab moliyaviy holati bilan izohlanmoqda: ehtimoliy kelishuv doirasida londonliklar futbolchining haftalik maoshini to‘liq o‘z zimmasiga olishi kerak bo‘ladi. Reşford hozirda haftasiga 325 ming funt sterling (taxminan 377 ming yevro) ish haqi oladi. Bunday sharoitda “ko‘klar” qo‘shimcha bonuslar yoki transfer uchun alohida to‘lov qilish niyatida emas.
 

O‘tgan mavsumda Reşford Kataloniyada yaxshi natijalar qayd etdi: u barcha rasmiy musobaqalarda jami 49 o‘yinda maydonga tushdi. Hujumchi hisobida 14 ta gol va 14 ta golli uzatma mavjud. Eslatib o‘tamiz, angliyalik futbolchining “Manchester Yunayted” bilan amaldagi shartnomasi uzoq muddatli bo‘lib, 2028 yil yoziga qadar mo‘ljallangan.