“Chelsi” Oskardan tushgan pullarga “Real” yulduzini olib keladi

Angliyaning “Chelsi” klubi yaqin kunlarda Oskarning Xitoyga transferini e’lon qilishi kutilmoqda. O‘z navbatida, “aristokratlar” braziliyalik futbolchidan tushgan pullarga “Real”ning kolumbiyalik yulduzini olib kelishni rejalashtirmoqda. Bu haqda The Sun nashri xabar bermoqda.

Ma’lum bo‘lishicha, londonliklar Madriddan Xames Rodrigesning APLga ko‘chib o‘tishini ko‘zlab turishibdi. Buning uchun “aristokratlar” “qirollik klubi”ga 75 million funt sterling berishga tayyorlar.  

Xabarlarga qaraganda, yaqin kunlarda tomonlar muzokaralarni boshlashlari kutilmoqda.