“Челси” ўйинчилари шерикларини танқид қилгани учун Энцодан норози

"Челси" футболчилари Энцо Фернандеснинг сўнги пайтдаги ўзини тутишидан қаттиқ норози бўлишмоқда.

The Telegraph хабарига кўра, жамоа аргентиналик ярим ҳимоячининг сўнгги ўйинлар натижалари фонидаги хатти-ҳаракатларидан ҳафсаласи пир бўлган. Қайд этилишича, "Челси"нинг айрим футболчиларига сўнгги 4 ўйиндаги мағлубиятдан кейин Энцонинг танқидлари ёқмаган. Хусусан, Чемпионлар Лигаси 1/8 финалининг ПСЖга (2:5) қарши дастлабки ўйинида Филип Йоргенсеннинг хатосидан сўнг аргентиналик футболчи ўз жамоаси дарвозабонига тўпни отган ва уни хатоси учун койиган.

Бундан ташқари, жамоа Энцо келгуси мавсумда "Челси"да қолишига шубҳа билдирганидан норози.