“Chelsi” tamoman “sindi”!

Transferlarga o‘ta katta miqdorda pul sarflaganiga qaramay, Angliya premer-ligasi va Chempionlar ligasida ketma-ket mag‘lubiyatga uchrayotgan “Chelsi” antirekordlar qayd eta boshladi.

O‘z ishini eplay olmagan Grem Potter o‘rniga jamoa bosh murabbiyligini qabul qilib olgan klub afsonasi Frenk Lempard ham vaziyatni o‘nglay olgani yo‘q.

“Aristokratlar” Chempionlar ligasi chorak finalida “Real”dan 0:2 hisobida mag‘lubiyatga uchraganidan xabaringiz bor.

Statistika mutaxassislarining hisob-kitoblari ko‘ra, bu londonliklarning bosh murabbiyi Frenk Lempard uchun ketma-ket to‘rtinchi mag‘lubiyat bo‘ldi. Shu tariqa, angliyalik mutaxassis “Chelsi”ni boshqarib, ketma-ket to‘rt marotaba mag‘lubiyatga uchragan yagona bosh murabbiyga aylandi.

“Chelsi” oxirigi marta bundan 30 yil muqaddam – 1993 yilda qatorasiga to‘rtta o‘yinda raqibga imkoniyatni boy bergan edi.