“Челси” устози қақшатқич мағлубият айбдорини ошкор қилди

Англия чемпионатининг 32-турида “Челси” футболчилари ўз мухлислари кўз шўнгида “Манчестер Сити”дан 0:3 ҳисобида йирик мағлубиятга учради. “Аристократлар” бош мураббийи Лиам Росеньор мағлубият ҳақида фикр билдирди.

- Иккинчи бўлимда яхши ўйнамадик, ўйинга ёмон киришдик, бир нечта вазиятларда тўпни жарима майдонидан чиқариб юборишимиз мумкин эди, аммо уддалай олмадик.

Танаффусдан кейинги дастлабки беш дақиқада рақиб майдоннинг ярмида устунлик қилди ва кейин гол урди. Сўнгги ой давомида ўйинимиз бир хил сценарийда кетмоқда.

Бундай кучли жамоаларга қарши ўйнаганда ўйинда қолиш учун катта меҳнат қилиш керак. Иккинчи бўлим жуда қийин бўлди. Барча жавобгарлик менда. Бу жамоавий иш, биз буни яхшилашимиз керак. Ҳаммаси сенинг одатларинг ва қадриятларингдан бошланади.

Жамоани ҳаракат қилмади, деб айта олмайман, аммо иккинчи бўлимда ишонч етишмади. Биз қийин турнир ҳолатидамиз ва кейинги ҳафтада яна катта ўйин — “Манчестер Юнайтед”га қарши учрашув кутмоқда.

Албатта, бугун биз чемпионлик учун курашаётган жуда кучли жамоага қарши ўйнадик. Лекин бундай баҳсларда ҳам ғалаба қозонишни ўрганишимиз керак. Агар Марк Кукурельянинг голи ҳисобга олинганда эди, бу бизга ишонч берган бўларди. Аммо мағлубиятдан кейин ўзингни тиклашни ўрганиш зарур.

Сен 1 гол фарқ билан ютқазишинг мумкин, лекин ўйиндан чиқиб кетмаслигинг керак, айнан шу ҳолат мени хафа қилди, - деди Лиам Росеньор.