"Челси" ва Франция афсонасининг мураббийликда омади келмаябди

Aфсонавий футболчи Клод Макелеленинг мураббийликда омади келмаябди. У мураббийликка тайинланганидан атиги бир неча ҳафта ўтиб Греция клубини тарк этди.

"Челси"нинг собиқ ярим ҳимоячиси 13 сентябрь куни маҳаллий "Астерас" жамоасини қабул қилиб олганди. У учта ўйиндан сўнг бош мураббийлик лавозимини тарк этишга мажбур бўлди.

"Улар менга жамоани тўлиқ назорат қилишни топширишни ваъда қилишган эди. Ким ўйнашини мен ҳал қилишим керак эди. Трансферлар ҳам менинг ваколатларимга киритилиши керак эди. Агар ёмон натижалар туфайли мени ишдан бўшатмоқчи бўлишса, бу нормал ҳолат. Бу футбол деб аташ мумкин эди. Лекин одамлар менга ким ўйнаши керак, ким ўйнамаслигини айтишларини асло истамайман.

Охирги ўйинда улар асосий ўйинчини захирага олинишини талаб қилишди. Мен шундай қилиб, ўша беллашувда унга атиги 20 дақиқа имконият бердим. Натижани эса, ўзингиз қаранг: иккита голли узатма берди ва биз ўйинда ғалаба қозондик.

Мен олдинга интиладиган мураббийман. Футболчилар учун масъулиятни ўз зиммамга олсам, нима қила олишим ва нима қила олмаслигимни биламан. Мен ўз ишимни яхши кўраман. Бироқ, ташқи тарфдан аралашувларни умуман қабул қила олмайман", - деди Клод Макелеле.