«Челси» яна «Рома» юлдузига даъвогар бўлиши мумкин

«Рома» марказий яримҳимоячиси Ману Коне қишки трансфер ойнасида Лондоннинг «Челси» клубига ўтиши мумкин. Бу ҳақда футбол бўйича журналист Саймон Филлипс хабар берди.

Манбанинг маълум қилишича, «Челси» қишда Конега бўлган қизиқишини қайта фаоллаштиришни режалаштирмоқда. Айтилишича, эҳтимолий келишув доирасида лондонликлар «Рома»га ўзининг ёрдамчи ҳужумчиси Жейми Байно-Гиттенсни таклиф этиши мумкин.

Ёзги трансфер ойнасида «Челси» 25 ёшли француз яримҳимоячисини қўлга киритишга уринган, аммо келишув амалга ошмаган. Энди эса клуб қишда яна бир бор ҳаракат қилиши кутилмоқда.

Жорий мавсумда Коне Италия чемпионатида учта ўйинда майдонга тушди, аммо гол ёки самарали узатма билан ажралиб тура олмади. Transfermarkt лойиҳаси мутахассислари унинг бозор қийматини 50 миллион евро атрофида баҳоламоқда.