"Chelsi"ning mashg‘ulot markaziga o‘g‘ri tushdi!

Londonning "Chelsi" klubi politsiyaga murojaat qildi – sababi qiziq: klubning mashg‘ulot markazi o‘g‘irlik qurboniga aylangan. 

Eng qizig‘i, o‘g‘irlangan narsalar asosan videokuzatuv kameralari va qo‘shimcha uskunalar bo‘lgan. Yo‘qotish summasi taxminan 30 ming funt sterlingni tashkil qiladi.

Ya’ni o‘g‘ri aynan o‘sha qurilmalarni olib ketganki, ular xuddi shunday holatlarning oldini olish uchun o‘rnatilgan edi. Bu holatga jiddiy qaralayotgan bo‘lsa-da, hozircha bu haqiqiy o‘g‘irlikmi yoki boshqa sababmi – aniq emas. Tergov davom etmoqda.

Aytish kerakki, klub futbolchilari ham yaqinda o‘g‘irlikdan jabr ko‘rgan edi. Shu bois, rahbariyat ehtiyotkorlik bilan politsiyani oldindan xabardor qildi.