"Челси"нинг машғулот марказига ўғри тушди!

Лондоннинг "Челси" клуби полицияга мурожаат қилди – сабаби қизиқ: клубнинг машғулот маркази ўғирлик қурбонига айланган. 

Энг қизиғи, ўғирланган нарсалар асосан видеокузатув камералари ва қўшимча ускуналар бўлган. Йўқотиш суммаси тахминан 30 минг фунт стерлингни ташкил қилади.

Яъни ўғри айнан ўша қурилмаларни олиб кетганки, улар худди шундай ҳолатларнинг олдини олиш учун ўрнатилган эди. Бу ҳолатга жиддий қаралаётган бўлса-да, ҳозирча бу ҳақиқий ўғирликми ёки бошқа сабабми – аниқ эмас. Тергов давом этмоқда.

Айтиш керакки, клуб футболчилари ҳам яқинда ўғирликдан жабр кўрган эди. Шу боис, раҳбарият эҳтиёткорлик билан полицияни олдиндан хабардор қилди.