Чемпионат бошидаёқ ўн нафар мураббий ишдан ҳайдалди

Бразилия чемпионатида мавсум бошланганидан кейин дастлабки 10 та турда 10 нафар бош мураббий ишдан бўшатилди.

2026 йилги мавсум 28 январда бошланган ва ҳозирга қадар эндигина 10 тур ўтказилди. Шу вақт ичида 20 жамоадан 10 таси ўз бош мураббийини алмаштирган.

Ишдан бўшатилганлар орасида «Коринтианс», «Шапекоэнсе», «Ботафого», «Сантос», «Крузейро», «Сан-Паулу», «Фламенго», «Ремо», «Васко да Гама» ва «Атлетико Минейро» жамоалари мураббийлари бор.

Бу қарорлар натижасида Хорхе Сампаоли ва Тите каби машҳур мутахассислар, шунингдек собиқ футболчилар Филипе Луис ва Эрнан Креспо ишсиз қолди.

10 турдан сўнг турнир жадвалида 25 очко тўплаган «Палмейрас» пешқадам бўлиб турибди.