Чемпионлар Лигаси финалининг бошланиш вақти ўзгарди

Европа футбол ассоциациялари иттифоқи (УЕФА) Чемпионлар лигаси финал учрашуви бошланишини 2026 йилдан эртароқ муддатга кўчиришга қарор қилди. Бу ҳақда ташкилот сайтида хабар берилди.

Будапештда 2026 йил 30 май куни "Пушкаш Арена" стадионида бўлиб ўтадиган финалдан бошлаб, старт ҳуштаги вақти Марказий Европа вақти билан соат 21:00 дан 18:00 га кўчирилади (Тошкент вақтида билан  00:00дан 21:00га кўчирилди).

Чемпионлар Лигасининг амалдаги ғолиби Франциянинг ПСЖ клуби ҳисобланади. Ўтган турда жамоа финалда Италиянинг "Интер" клубини 5:0 ҳисобида мағлуб этганди. Эслатиб ўтамиз, парижликлар бир ўйиндан иборат турнир финалида Англиянинг "Тоттенхэм" клубини мағлуб этиб (2:2, 4:3 пен.), УЕФА Суперкубогини ҳам қўлга киритган эди.