Чемпионлар лигасида ҳафтанинг энг яхши футболчиси ким бўлади?

УЕФА Чемпионлар лигасининг 6-тур учрашувлари ўз ниҳоясига етди. Ҳафтанинг энг яхши футболчиси бўлиш учун номзодлар эълон қилинди.

Унга кўра, соврин учун Нони Мадуэке ("Арсенал"), Жюль Кунде ("Барселона"), Оскар Глу ("Аякс") ва Шарл Де Кетеларе ("Аталанта") кураш олиб боради. Якунланган турда Мадуэке, Кунде ва Глу дубль расмийлаштирган бўлса, Де Кетеларе ўз ҳисобига 1 гол ва 1 ассист ёздириб қўйди.

Маълумот учун, айни пайтда мусобақа турнир жадвалида "Арсенал" 18 очко жамғариб пешқадамлик қилмоқда.