Чемпионлар лигасининг энг тезкор футболчилари аниқланди

УЕФА Чемпионлар лигасида жорий мавсумда қайд этилган энг юқори тезлик кўрсаткичлари маълум бўлди. Статистик маълумотларга кўра, Килиан Мбаппе мазкур кўрсаткич бўйича етакчи ҳисобланади.

"Реал Мадрид" ҳужумчиси Мбаппе ўйин давомида 34,9 км/соат тезликни қайд этган.

Иккинчи ўринни Душан Влахович эгаллади. "Ювентус" форвардининг энг юқори тезлиги 34,8 км/соатни ташкил этди.

Кучли учликни эса Абдуқодир Ҳусанов якунлаб берди. "Манчестер Сити" ҳимоячиси жорий мавсумда 34,7 км/соат тезликка чиққан.

Қайд этилишича, аввалроқ эълон қилинган рўйхатда Ҳусанов ушбу кўрсаткич бўйича иккинчи поғонадан жой олган эди.