Чемпионликни мақсад қилган Германия учун иккинчи синов!

"Евро-2024"нинг нимчорак финалидан ўрин олган учрашувлар Швейцария - Италия ўйини билан старт олса, иккинчи баҳс Германия ва Дания ўртасида бўлиб ўтади. 

Мезбон Германия "А" гуруҳида пешқадам сифатида плей-оффга йўл олди. Жамоа дастлаб, Шотландия ва Венгрия устидан осонлик билан ғалаба қозониб, Швейцарияга қарши ўйинда Никлас Фюллькругнинг сўнгги дақиқаларда урган голи эвазига мағлубиятдан қутулиб қолди. Жамал Мусиала, Тони Кроос ва Флориан Вирцлар биттадан голни ўз номига ёздириб қўйишди. 

Дания "C" гуруҳидаги учта ўйинда учта дуранг билан мағлубга учратиш қийин бўлган жамоа эканлигини исботлаб қўйди. Шу билан бирга, Кристиан Эриксеннинг ажойиб қайтиши, Жонас Уинд ва Расмус Хойлунд ҳар қандай ҳимоя учун муаммо туғдира олиши билан хавфли жамоа эканлигини эслатиб қўйяпти.

Бу икки жамоа ўтказган сўнгги тўртта ўйиндан учтасида дуранг натижа қайд этилган. Агарда бугун ҳам асосий вақтларда ғолиб номни аниқланмаса, қўшимча таймларга мурожаат қилинади. Унда ҳам томонлар дурангга имзо чекса, пенальтилар сериясида чорак финалчи номи аниқ бўлади. 

Тахминий таркиблар:

Германия: Нойер, Киммих, Рюдигер, Шлоттербек, Миттельштадт, Андрих, Кроос, Мусиала, Гюндоган, Вирц, Хаверц.

Дания: Шмейхел, Андерсен, Вестергаард, Кристенсен, Кристиансен, Норгаард, Эриксен, Хойберг, Мæҳле, Ҳойлунд, Винд.