Coca Cola Superliga. “Buxoro” – “Mash’al” uchrashuvi Qarshida bo‘lib o‘tadi

Xabaringiz bor, “Buxoro” sport majmuasida ta’mirlash ishlari olib borilayotgani bois “Buxoro” jamoasi joriy yilgi mavsumda o‘z uy uchrashuvlarini Muborakdagi Bahrom Vafoev nomidagi stadionda o‘tkazib kelmoqda.

Coca Cola Superliga 25-turi doirasida buxoroliklar stadion mezboni “Mash’al” jamoasiga qarshi bahs yurtishini inobatga olib, sport printsiplariga amal qilish maqsadida mazkur bellashuv Qarshidagi “Markaziy” stadionga ko‘chirildi. Bu haqda O‘zPFL rasmiy sayti xabar tarqatdi.

Ma’lumot uchun, “Buxoro” – “Mash’al” bahsi 29 noyabr soat14:00 da start oladi.