Даниэль Кормье: "Америкалик жароҳатлар бўлмаганида тарихдаги энг буюк жангчилардан бири бўларди"

UFC нинг икки вазн тоифасида собиқ чемпиони Даниэль Кормье жамоадоши ва икки карра оғир вазн чемпиони Кейн Веласкес (14-3) ҳақида фикр билдирди. 

"Кейн энг яхши жангчи эди. Мен унга ўхшаганини ҳеч қачон кўрмагандим. Ҳатто ҳозир ҳам йўқ. Унинг машғулотларга ёндашуви, техник арсенали, қобилиятлари — барчаси ажойиб эди. У ҳақиқатан ҳам ҳаммасини қила оларди. Агар у барча жароҳатлардан "омон қолганида", шубҳасиз, тарихдаги энг кучли йигитлардан бирига айланарди. Ҳеч ким уни енголмас эди", — деди Кормье "talkSPORT" нашрига берган интервьюсида.

Эслатиб ўтамиз, Кейн Веласкес охирги бор 2019 йил 17 февраль куни Френсис Нганнуга қарши октагонга кўтарилиб, 1-раундда нокаут билан мағлуб бўлганди.