Даниэль Корьме: "Жек Маддалена Ислом Махачевни мағлуб этади, бироқ..."

UFC афсонаси, америкалик Даниэль Кормье россиялик Ислом Махачев ва австралиялик Жек Делла Маддалена ўртасидаги жанг олдидан ўз фикрларини билдириб ўтди.

"Сўнгги пайтларда Исламнинг сурат ва видеоларини кўрган бўлсангиз, у анча йириклашганини пайқайсиз. Агар Махачев Делла Маддалена каби монстр билан курашишни истаса, янада каттароқ бўлиши керак. Россияликнинг жамоаси уларни қандай синов кутаётганини яхши тушуниб турибди. Улар Жекнинг нақадар кучли ва жисмоний жиҳатдан бақувват эканини яхши билишади. Ҳозирда австралиялик тейкдаунлардан ҳимояланиш борасида ҳам юқори даражага чиққан. Белал Мухаммадга қарши унинг жангини кўрганлар Жек аъло даражада режа ишлаб чиққанини билишади. Шунинг учун ҳам бу баҳс кўпчилик ўйлаганидек осон ўтмайди, балки анча тенг шароитда кечади. Менимча, ғалаба Маддаленага насиб этади. Бироқ бу билан Исламда чемпионлик учун ҳеч қандай имкон йўқ демаяпман. Шунчаки. ўйлашимча, ушбу қарама-қаршиликда чемпион ўз унвонини сақлаб қолади", — деди Кормье "Bloody Elbow" нашрига.

Маълумот учун, Махачев (27-1) ва Маддалена (18-2) тўқнашуви 15 ноябрь куни "UFC 322" турнирида ўтказилади.