Дастан Сатпаевга "Челси"да қолиш шартини айтишди

Британиянинг The Chelsea Chronicle нашри қозоғистонлик ёш ҳужумчи Дастан Сатпаевнинг «Челси» таркибидаги истиқболларини таҳлил қилди. 

Материал муаллифи Уилл Бутчер фикрича, 17 ёшли форвард асосий жамоада мустаҳкам ўрин эгаллаши учун «Челси» ёзги трансфер ойнаси ёпилгунча бир неча ҳужумчиси билан хайрлашиши керак бўлади.

- Ёши инобатга олинса, Сатпаевнинг бу ёзда «Челси»да қолиши кутилмаган ҳолат бўлиши мумкин. Аммо лондонликлар Лиам Делап, Жексон ва Марк Гиуни осонгина сотиши эҳтимолдан холи эмас. 

Фабрицио Романо Эмега ҳам жамоани тарк этиши мумкинлигини айтмоқда. Агар шу тўрт футболчидан иккита ёки учтаси дедлайнгача „Челси“ни тарк этса, бу, шубҳасиз, Сатпаев учун Алонсо режаларига кириш йўлини очиб беради. 

Лекин агар клуб камида иккитасини ҳам сотишга эришмаса, Сатпаевни ижарага жўнатиш тўғри қарор бўлади. Яқин ҳафталарда жуда кўп воқеалар рўй беради: мавсум бошлангунига қадар «Челси»  10 нафаргача футболчини сотиши кутилмоқда. Шунга қарамай, Сатпаев «Стэмфорд Бридж»да қолишга арзийдиган футболчи эканини исботламоқда, — дея ёзади нашр.

Эслатиб ўтамиз, қозоғистонлик ҳужумчи «Челси» сафидаги дебют ўртоқлик учрашувида «Вестерн Сидней Уондерерс»га қарши баҳсда (6:4) гол урганди. Кейинчалик у «Тоттенхэм»га қарши ўйинда (1:2) захирадан майдонга туширилди.