Дастин Порье: "Гейджи мендан ҳеч қанақасига кучли эмасди!"

Енгил вазн тоифасида топ жангчилардан бири америкалик Дастин Порье (29-8) Джастин Гейджидан (25-4) учралган мағлубиятига ўз фикрини билдирди:
"Мен мағлуб бўлган жангчилар орасида Ҳабиб мендан-да кучли эди. Шанба куни мен мағлуб бўлган жангчи, ҳеч қанақасига мендан устун эмасди. Мен ундан яхшироқ эдим. Ҳар доим ҳам мағлубиятни қабул қилиш осон эмас. Жангга тайёргарлик кўриш давомида 9 ҳафта уйимдан узоқ тайёрландим. 11 ҳафта эса қаттиқ режимли диетада овқатландим. Ишонасизми, мен кўп нарсаларни бу жангга қурбон қилдим. Шунчалик диққатим жангга қаратилган эдики, ғалабани ич-ичимдан ҳис қилиб тургандим. Бу, менимча, фаолиятимдаги энг яхши тайёргарлик лагеридан бири эди!"