Де Брюйне учун курашга Туркия клуби қўшилди

"Манчестер Сити" ярим ҳимоячиси Кевин Де Брюйне фаолиятини Туркия Суперлигасида давом эттириши мумкин.

Журналист Жанлука Ди Марционинг хабар беришича, "Фенербахче" белгиялик футболчининг трансфери бўйича илгари фаол музокаралар олиб борилган Италиянинг "Наполи" клубига нисбатан манфаатлироқ таклиф берган. Маълум қилинишича, 33 ёшли ўйинчи энди Жозе Моуриньо мураббийлик қилаётган Истанбул клубига ўтиш имкониятини жиддий кўриб чиқмоқда.

Де Брюйненинг келажаги ҳақидаги якуний қарор яқин соатлар ичида қабул қилиниши кутилмоқда.

Маълумот учун, Кевиннинг "Манчестер Сити" билан амалдаги шартномаси 2025 йил 30 июнда тугайди, шундан сўнг у эркин агент мақомини олади.