Де ла Фуэнте: "Гави энергиясини тўғри йўналтиришни ўрганиши керак"

Испания терма жамоаси бош мураббийи Луис де ла Фуэнте Гавининг машғулотлардаги фаолияти ва характерини юқори баҳолади.

Мураббий айтишича, у Гавининг ўйин ва машғулотлардаги жанговор кайфиятини жуда ёқтиради. Яқинда ўтказилган машғулотда у Родригога нисбатан анча кескин ҳаракат қилгани ҳам муҳокама қилинган.

"Машғулотлар ҳам футболнинг бир қисми. Ҳамма ҳар доим тўлиқ куч билан ҳаракат қилиши керак. Мен уни айнан шундай ҳолатда кўришни яхши кўраман. Лекин Гави энергиясини тўғри йўналтиришни ўрганиши керак", — деди де ла Фуэнте.

Маълумот учун, Испания терма жамоаси Жаҳон чемпионатида "H" гуруҳ босқичида Кабо-Верде терма жамоаси, Саудия Арабистони терма жамоаси ва Уругвай терма жамоаси билан ўйнайди.