Дебютант чемпион "Бавария"ни қийнаб қўйди

Германия чемпионати учинчи туридан ўрин олган «Эльверсберг» — «Бавария» учрашуви якунланди. Қийин кечган беллашувда Венсан Компани шогирдлари 2:1 ҳисобида ғалаба қозонишди.

26-дақиқага келиб, меҳмонлар ҳисобни очишди. «Бавария»ни олдинга олиб чиққан голни Леннарт Карл урди, унга ҳал қилувчи пасни Ҳарри Кейн йўллади. 61-дақиқага бориб, «Эльверсберг» ҳисобни тенглаштиришга муваффақ бўлди — Морис Краттенмахер ўз жамоасига умид уйғотди. Бироқ ортидан ўтган тўққиз дақиқа ичида ўйиннинг бош қаҳрамонига айланган Кейн яна бир бор ўз маҳоратни намойиш этиб, мюнхенликларга ғалаба олиб келган голни урди.

Ушбу натижадан сўнг «Бавария» жадвалда етти очко билан тўртинчи ўринни эгаллаб турибди. «Эльверсберг» эса мусобақадаги илк очколарини йўқотди ва ҳозирча олтинчи поғонада жойлашган.

«Эльверсберг» — «Бавария» — 1:2 (0:1).