Деку: Ферран "Барса"дан кетмоқчи эди

«Барселона» спорт директори Деку жамоани тарк этиб, «Пари Сен-Жермен» сафига ўтган ҳужумчи Ферран Торрес ҳақида фикр билдирди.

Ёзги трансфер ойнасида испаниялик футболчи «Барселона»дан ПСЖга кўчиб ўтди. Каталония клуби бу келишувдан тахминан 50 миллион евро даромад олди.

«Унинг ПСЖ таркибида хет-трик қайд этганидан хурсандман. Биз ўзимиз учун юзага келган вазиятдан муносиб чиқиб кетдик. Ферран жамоада кўпроқ етакчи роль ўйнашни истарди. Агар футболчи кетишни хоҳласа, унинг фикрини эшитишимиз керак», — деди Деку El Món a RAC1 дастури эфирида.

Торрес «Барселона» шарафини 2022 йилдан 2026 йилгача ҳимоя қилди. Ушбу давр мобайнида у жамоа таркибида 207 ўйинда майдонга тушиб, 65 та гол урди ва 23 марта голли узатма берди.

«ПСЖ» учун илк тўрт учрашувдаёқ 26 ёшли ҳужумчи бешта гол муаллифига айланди.