Деку: “Реал”ни яхши формада эмас деб ҳисоблаш бу бемаъниликдир”

Хабарингиз бор, бир неча дақиқа олдин УЕФА Чемпионлар лигасининг плей-офф босқичига қуръа ташланди. Унга кўра, "Барселона" "Бенфика" билан яна куч синашади. Мазкур вазиятга каталонияликларнинг спорт директори ҳисобланган Деку ўз муносабатини билдирди. 

“Тан олиш керак, ПСЖ ҳозир ажойиб формада. “Бенфика” билан аллақачон гуруҳ босқичида ўйнадик ва бу биз учун жуда қийин бўлган эди. Шундай бўлса ҳам биз тарихий камбек қилдик, аммо ўша ўйинда ютқазишимиз ҳам мумкин эди. Шуни ҳам таъкидлашим керак, “Бенфика” сўнгги йилларда жуда кучли жамоа бўлиб шаклланди. 

Ўтган йилги финал учун муҳокамага ўрин йўқ. ПСЖ “Боруссия Дортмунд” билан ўйнаганда кўпчилик германияликларни финалда кутмаган эди. Бироқ, ўйинни диққат билан кузатганлар билишадики, улар барча жиҳатдан кучли жамоа бўлиб ҳаракат қилишган эди. 

Ҳозирги кунда барча жамоалар, айниқса, топ клублар ўз формасига қайтмоқда. “Реал” яхши натижалар кўрсатмоқда, бу клуб ўтган мавсум Чемпионлар лигасида зафар қучган. “Қироллик клуби” яхши формада эмас деб ҳисоблаш – бемаънилик. Шу билан бирга, “Атлетико”ни ҳам бу рўйхатга қўшсак адашмаган бўламан. Албатта, катта клублар ҳар доим қайтади. Биз эса ўз йўлимизга эътибор қаратишимиз зарур” – деди “кўк-анорранглилар”нинг спорт директори.