Дембеле ПСЖдаги келажагига ойдинлик киритди

ПСЖ футболчиси Усмон Дембеле Чемпионлар лигасининг 1/8 финалидан ўрин олган "Челси"га қарши жавоб ўйини олдидан клуб билан шартномани узайтириш борасида изоҳ берди.

"Шартномани узайтирмасликка сабаб йўқ, лекин қарорни мен қабул қилмайман. Шартномам муҳокамаси клуб ва агентим ўртасида бўлиб ўтмоқда. Мен фаолиятимнинг бошиданоқ бу ишда иштирок этмаяпман," - деди Дембеле.

Маълумот учун, франциялик вингер жорий мавсумида 27 та ўйинда 12 та гол урди ва еттита голли узатмани амалга оширди. Футболчининг парижликлар билан амалдаги меҳнат шартномаси 2028 йилнинг ёзигача мўлжалланган. Transfermarkt маълумотларига кўра, унинг бозор нархи 100 миллион еврони ташкил қилади.