Den Xuker: "Birgina sabab tufayli Arman Tsarukyan bilan jangga rozi bo‘ldim"

UFC ning engil vazn toifasida ishtirok etuvchi Den Xuker mazkur divizion reytingida birinchi o‘rinni egallab turgan Arman Tsarukyanga qarshi bo‘lajak jang haqida gapirdi.

"Tsarukyanni engishni juda xohlayman, chunki u diviziondagi eng yaxshi jangchilardan. Aynan shu sabab men bu bahsga ikkilanmay rozilik bildirdim. O‘ylashimcha, bu haqiqiy da’vogarlar to‘qnashuvi! Agar g‘alaba qozonsam, titul uchun imkoniyatga ega bo‘laman", — dedi Xuker.

Eslatib o‘tamiz, Arman Tsarukyan (22-3) va Den Xuker (24-12) qarama-qarshiligi 22 noyabr kuni Qatardagi "UFC Fight Night" turnirida o‘tkaziladi.