Деревянченко: "Мбилли – кучли ва тажовузкор, аммо..."

Ўрта вазн тоифасидаги чемпионлик учун собиқ даъвогар, украиналик фахрий Сергей Деревянченко (15-5, 10 КО) 18 август куни Квебекда бўлиб ўтадиган франциялик Кристиан Мбилли (27-0, 23 КО) билан бўлажак жанг ҳақида ўз фикрлари билан ўртоқлашди.

“Ушбу жанг ҳақида эшитишим биланоқ шартнома имзолашга қарор қилдим. Мен Мбилининг жангларини кузатганман. У жуда кучли ва тажовузкор, лекин мен рингга чиқишга тайёрман. Менинг ютуғим - тажрибам. У менга ёрдам беришига ишонаман" - дея Деревянченко сўзларини келтирди The Ring.

Эслатиб ўтамиз, Деревянченко ва Мбилли ўртасидаги баҳс ўн раундга мўлжалланган.