Дибала Месси ва Роналдунинг ўхшаш жиҳатини айтди

Пауло Дибала Лионель Месси ва Криштиану Роналду билан ҳам ўйнаган. "Рома" футболчиси улардан қайси бири кучлироқ деган азалий саволга жавоб берди. Дибала кутилганидек тўғридан-тўғри жавоб беришдан ўзини олиб қочди.

"Техник жиҳатдан Месси ва Роналду турлича, аммо руҳий жиҳатдан улар бир-бирига жуда ўхшаш. Иккаласи ҳам ақл бовар қилмайдиган рақобатбардош менталитетга эга, улар ҳар доим ғалаба қозонишни хоҳлашади.

Техник жиҳатдан уларнинг кучли томонлари турлича, лекин иккаласи ҳам ҳақиқий йиртқич", - дея Дибаланинг сўзларини келтиради La Gazzetta dello Спорт.

Лионель Месси фаолиятида 8 марта, Криштиану Роналду эса 5 марта "Олтин тўп"ни қўлга киритган. Ҳозирда Месси "Интер Майами", Роналду эса "Ан-Наср" шарафини ҳимоя қилмоқда.