Дибала супертрансферга тайёрланяпти

Аргентиналик ҳужумчи Пауло Дибала “Ювентус” раҳбарияти билан янги шартнома борасида бир неча ойдан бери келиша олмаяпти ва клубдаги вазиятдан норози эканини таъкидлаяпти.

Айни пайтда ҳужумчи янги жамоалар билан музокарага тайёргарлик қилмоқда. Харидорлар ҳам машҳурлик борасида “Ювентус”дан қолишмайди. Бири “Реал” бўлса, иккинчиси “Манчестер Юнайтед”.

Ҳар икки клуб ҳам ёзги трансферлар вақтида фаоллик кўрсатишни режалаштирган. Улар олинадиган футболчилар билан январь ойидаёқ келишиб қўймоқчи.

Дибала жорий мавсумда барча турнирларда саккиз марта майдонга тушди ва битта гол урди. Клуб раҳбариятидан йилига 15 миллион евро маош талаб қилаётган Дибала асосий таркибдаги ўрнини “Атлетико”дан ижарага олинган Альваро Моратага бой бериб қўйган.