Дибалани “Рома”дан олиб кетишмоқчи. Ҳужумчининг ўзи клубни суриштиряпти

“Рома” таркибидаги жаҳон чемпиони Пауло Дибалага анчадан бери Туркиянинг “Галатасарой” жамоаси жиддиқ қизиқиш билдирмоқда.

Туркиянинг fotomac.com.tr  сайтининг маълум қилигича, тез кунларда турк клуби мутасаддилари Римга боради ва “Рома” раҳбарияти билан аргентиналик ҳужумчи трансфери бўйича музокараларни бошлайди.

Дибаланинг римликлар билан шартномаси мавсум охирида тугайди. Бироқ томонларда ўзаро келишган ҳолда ҳамкорликни яна бир йилга узайтириш имконияти бор.

Манбанинг таъкидлашича, Пауло Дибаланинг ўзини бу таклиф қизиқтирию қўйган. У анчадан бери Туркияда тўп тепаётган ҳамюрти Мауро Икардидан “Галатасарой” ҳақида сўраб-суриштира бошлагани айтилмоқда.