Дидье Дешам: "Испания бугун кучлилигини яна бир бор исботлади"

Франция терма жамоаси бош мураббийи Дидье Дешам "Евро-2024" ярим финали доирасида Ипанияга учралган мағлубиятдан кейинги фикрлари билан ўйртоқлашди.

"Испания бугун кичли жамоа эканлигини яна бир бор исботлади. Бизга ҳисобни очиш насиб қилди, аммо рақиб тўпни яхшироқ назорат қилгани бизни қийин аҳволга солди. Бугун испанлар бор маҳоратини намойиш этди.

Тезлик борасида ҳам рақиблар биздан устун келди, техник хатолар кўп бўлгани бизнинг зараримизга ишлади. Ҳужумга кам ўтганимиз натижага ҳам таъсирини ўтказди", - деди Дешам.

Эслатиб ўтамиз, Франция терма жамоаси "Евро-2024" ярим финалида Испанияга 2:1 ҳисобида мағлуб бўлиб, турнирни мана шу босқичда тарк этди.