Диего Лопес Александр Волкановски учун муносиб рақиб топди
Таниқли UFC жангчиси Диего Лопес ярим енгил вазнда амалдаги чемпион Александр Волкановски учун муносиб рақиб топди.
"Волкановски жуда ажойиб жангчи. Унга бас келиш жуда қийин. Айниқса, Илия Топурия енгил вазнга ўтганидан кейин Александр учун муносиб рақиблар анча камайди. Бироқ шундай бўлишига қарамасдан, австралияликка қийин жанг тақдим этувчи бир йигит борлигини эслатиб ўтмоқчиман. Бу - Мовсар Евлоев. Россиялик ММА устаси "UFC 310" турнирида Алджамейн Стерлингни енган эди" - деди бразилиялик.
Эслатиб ўтамиз, Лопес сўнгги бор апрел ойида жанг ўтказиб, чемпионлик учун курашда Александр Волкановскига ютқазиб қўйганди.
Фикрлар