Диллиан Уайт: "Жошуани ҳисобдан чиқаришга шошилманг"

Диллиан Уайт (30-3, 20 КО) аввал Энтони Жошуани (28-4, 25 КО) тез-тез танқид қилган бўлса, энди собиқ рақибини ҳимоя қилишга киришди.

"Жошуанинг танкида ҳали кўп ёқилғи бор ва у ҳамон кучли спортчи эканига ишонаман. Энтони жуда хавфли зарбага эга. Тўғри, у энди ёш эмас, охирги пайтларда яхши жанг қилимаяпти, лекин у, албатта, ҳали ҳам кўп нарсага қодир. Жошуани ҳисобдан чиқаришга шошилманг", - деди Уайт Эбенезер Теттеҳга берган интервьюсида.

Эслатиб ўтамиз, аввалроқ, таниқли промоутер Эдди Хирн келаси йили май ва июнь ойларида Жошуа учун жанг ташкиллаштиришни айтганди.