"Dinamo" Dukentda yig‘in boshladi

FIFA kunlari munosabati bilan Superligada yuzaga kelgan tanaffus paytida "Dinamo" klubi Toshkent viloyatida o‘quv-mashg‘ulot yig‘inini boshladi.

Vadim Abramov murabbiyligidagi jamoa 31 avgust kunidan boshlab Dukentda yig‘in boshladi. Tog‘li hududdagi mashg‘ulotlar jarayonida futbolchilarning jismoniy holatini yanada yaxshilash ko‘zda tutilgan. Shuningdek, "ko‘hna shaharliklar" yig‘in doirasida nazorat uchrashuvini o‘tkazishni rejalashtirgan.

Ma’lumot uchun, "Dinamo" Superliga 18-turi doirasida 15 sentyabr kuni "Bunyodkor"ni qabul qiladi.