"Динамо" Россия ёшлар терма жамоасида ўйнаган легионернинг трансферини эълон қилди

«Динамо» жамоаси Про лига янги мавсуми олдидан ўз сафини янги ўйинчилар билан кучайтирмоқда.

Тошкентда ўтган йиғин давомида «Динамо» жамоаси сафида фаол ҳаракат қилиб, мураббийлар ишончини қозонган россиялик марказий ҳимоячи Евгений Назаров клуб билан бир йиллик шартнома имзолади.

Ўз вақтида Россия ёшлар жамоаси сафида тўп сурган 25 ёшли ҳимоячи ўтган йиллар давомида Россиянинг «Краснодар», Чехиянинг «Теплице» ва «Богемианс 1905» ҳамда 2022 йил Арманистоннинг «Урарту» клуби шарафини ҳимоя қилган.

Маълумотнома:
Евгений Назаров
Туғилган санаси: 1997 йил, 7 апрель
Туғилган жойи: Россия, Нефтекумск шаҳри
Амплуаси: марказий ҳимоячи.

"Динамо" матбуот хизмати.