Джон Джонс: "UFC - ММА оламининг чўққиси!"

Джон Джонс: "UFC - ММА оламининг чўққиси!"
Собиқ ярим оғир вазнда ва амалдаги оғир вазнда UFC чемпиони америкалик Джонс Джонс (27-1, 1NC) UFC промоушенининг бошқа промоушенлардан фарқи ҳақида тўхталиб ўтди:
"Бу ерда жанг қилиб, бошқа промоушенларга ўтиб кетган ва катта гонорари эвазига оиласи эҳтиёжини таъминлай олаётган жангчиларни қўллаб-қувватлайман. PFL ва Bellator каби промоушенлар UFC‘га рақобат туғдира олаётганидан хурсандман. Чунки рақобат юксалишга туртки бўлади. Мен UFC‘нинг жангчиси эмас, балки, ишчиси бўлиб гапирсам, бу ерга келганимдан бери кўп нарсалар ўзгарди ва ҳаётим яхшиланди. Вариантлар бўлиши эса ажойиб ҳодиса.
Аммо, UFC‘дан ташқарида жанг қиларкансан зинҳор ўзингни дунёнинг энг зўриман демаслигинг керак. Балким, ўша ерда энг доминант жангчи сен бўларсан?! Лекин, бу ҳеч нимани англатмайди. Масалан, Чендлер Bellator‘нинг етакчи жангчиси эди. UFC‘га келиб эса ўртамеёна жангчига айланиб қолди. Айнан, UFC - ММА оламининг чўққиси. Бу Олимп тоғининг учидир!"