Дьёкереш ўзига АПЛдан клуб танлади

Лиссабоннинг "Спортинг" жамоасида тўп сураётган 27 ёшли ҳужумчи Виктор Дьёкереш фаолиятини қаерда давом эттиришни аниқлаб бўлди.

Журналист Алекс Крукнинг "talkSPORT Breakfast" дастурига берган маълумотига кўра:

"Мен хабар олдим – Дьёкереш ўз оиласи ва дўстларига "Арсенал"га ўтишга умид қилиб турганини айтган. Бизга маълумки, унга "Манчестер Юнайтед" ҳам қизиқиш билдирган. Викторнинг "Спортинг" нинг собиқ бош мураббийи Рубен Аморим билан муносабатлари яхши, лекин "Арсенал" Чемпионлар лигасида ўйнаш имкониятини ва эҳтимол, янги мавсумда чемпионлик учун курашни таклиф қилмоқда" - деб маълумот бермоқда.

Маълумот ўрнида, форвард ўтган мавсум 52 та учрашувда иштирок этиб, 54 та гол урди ва 13 та голли узатмага муаллифлик қилди. Шунингдек, Transfermarkt портали Дьёкерешнинг нархини 75 миллион евро деб баҳолаган.