Дьёкереш қишда «Арсенал»ни тарк этиши мумкин

Лондоннинг «Арсенал» клуби ҳужумчиси Виктор Дьёкереш қишки трансфер ойнасида жамоани тарк этишга ҳаракат қилмоқчи. Бу ҳақда TEAMtalk нашрига таяниб хабар берди.

Манбага кўра, 28 ёшли швециялик футболчи асосий таркибдан жой ололмаётганидан норози. У жорий мавсумда Англия Премьер-лигасининг бирорта учрашувини бошланғич таркибда бошламаган. Бош мураббий Микель Артета ҳужум чизиғида Кай Хаверцдан фойдаланишни маъқул кўрмоқда.

Дьёкерешнинг норозилигига сабаб бўлаётган яна бир омил — «Арсенал»нинг Мадриднинг «Атлетико» клуби ҳужумчиси Хулиан Альваресга қизиқиши давом этаётгани. Лондонликларнинг аргентиналик футболчини сотиб олишга уринаётгани швециялик ҳужумчини жамоанинг узоқ муддатли режаларидаги ўз ўрни ҳақида шубҳаланишга мажбур қилган.

Айни пайтда воситачилар футболчининг фаолиятини давом эттириши мумкин бўлган вариантларни ўрганмоқда. Дьёкерешга «Атлетико» даъвогарлик қилмоқда, шунингдек, Англия, Италия ва Германия клублари ҳам унга қизиқиш билдирмоқда. «Арсенал» эса ҳужум чизиғини кучайтириш вариантларини излаётгани сабабли футболчини сотиш таклифини кўриб чиқиши мумкин.

Эслатиб ўтамиз, Дьёкереш 2025 йилда «Спортинг»дан «Арсенал»га ўтган. У Лондон клубидаги дебют мавсумида 21 та гол урган, шундан 14 таси Англия чемпионатига тўғри келг