Dzyudo. O‘smirlar va yoshlar o‘rtasidagi Osiyo chempionatining ilk kunida vakillarimiz 10 ta medalga sazovor bo‘lishdi

Toshkentda start olgan dzyudo bo‘yicha o‘smirlar va yoshlar o‘rtasidagi Osiyo chempionatining birinchi kun bellashuvlari ortda qoldi. Quvonarlisi, unda O‘zbekiston o‘smirlar terma jamoasi 4 ta oltin, 2 ta kumush va 4 ta bronza, jami 10 ta medalga sazovor bo‘ldi. Shubhasiz, bu birinchi kundan so‘ng umumjamoa hisobida birinchi o‘ringa ko‘tarilib olishimizga zamin yaratdi. Bugun shohsupaga ko‘tarilgan hamyurtlarimiz bilan tanishing:

Oltin medal:
-40 kg: Umida Qo‘ldosheva
-44 kg: Laziza Haydarova
-48 kg: Zarina Jamolova
-52 kg: Rayhona Mamatova

Kumush medal:
-66 kg: Inoyat Telmanov
-48 kg: Sabina Azamatova

Bronza medal:
-50 kg: Yunusbek Shavkatov
-55 kg: Hasanboy Elmurodov
-66 kg: Oybek Rajabov
-44 kg: Maxfira Ro‘ziboeva