Дзюдо. Тошкент “Катта дубулға” турнирини 1 та олтин ва 1 та кумуш медаль билан бошладик!

Хабар берганимиздек, бугун пойтахтимиздаги "Ҳумо арена" мажмуасида дзюдо бўйича "Катта дубулға" туркумига кирувчи мусобақа бошланди.

Мусобақанинг илк кунид Ўзбекистон терма жамоаси аъзоси Достон Рўзиев ҳамюртларимизнинг илк медалига муаллифлик қилди. Спортчимиз -60 кг вазн тоифасида кечган финал баҳсида жаҳон чемпионати совриндори, грузиялик Гиорги Сардалашвилини мағлубиятга учратиб, олтин медалга сазовор бўлди.

Шунингдек, аёллар ўртасида -52 кг вазн тоифасида баҳс олиб борган яна бир ҳамюртимиз Гулҳаё Жўраева финалда франциялик Амандин Бушарга имкониятни бой бериб, фаолиятида илк бор катталар ўртасидаги йирик мусобақанинг кумуш медалига сазовор бўлди.