Dzyudo. Toshkentda yulduzlar jamlanadi

3-5 mart kunlari Toshkentda o‘tadigan dzyudo bo‘yicha “Katta dubulg‘a” musobaqasida ishtirok etuvchi davlatlar soni ortib bormoqda.

MOQ matbuot xizmatining xabar berishicha, ular orasida poytaxtimizga tashrif buyuradigan quyidagi taniqli sportchilarni uchratish mumkin:

Avstriya: Shamil Borchashvili (-81 kg, Tokio-2020 Olimpiadasi bronza medali sohibi) va Mixaela Pollers (-70 kg, Tokio-2020 Olimpiadasi kumush medali sohibi);

Xorvatiya: Barbara Matich (-70 kg, 2 karra jahon chempioni);

Kuba: Endi Granda (+100 kg, amaldagi jahon chempioni);

Vengriya: Kristian Tos (-90 kg, Tokio-2020 Olimpiadasi bronza medali sohibi va jahon chempioni);

Portugaliya: Jorj Fonseka (-100 kg, Tokio-2020 Olimpiadasi bronza medali sohibi va 2 karra jahon chempioni);

Serbiya: Nemanya Maydov (-90 kg, jahon chempioni).

Bugungi kunga kelib, 46 mamlakatdan 279 nafar sportchi ro‘yxatdan o‘tkazildi. Talabnomalar kelishda davom etmoqda.