Дзюдо. Тошкентда юлдузлар жамланади

3-5 март кунлари Тошкентда ўтадиган дзюдо бўйича “Катта дубулға” мусобақасида иштирок этувчи давлатлар сони ортиб бормоқда.

МОҚ матбуот хизматининг хабар беришича, улар орасида пойтахтимизга ташриф буюрадиган қуйидаги таниқли спортчиларни учратиш мумкин:

Австрия: Шамил Борчашвили (-81 кг, Токио-2020 Олимпиадаси бронза медали соҳиби) ва Михаела Поллерс (-70 кг, Токио-2020 Олимпиадаси кумуш медали соҳиби);

Хорватия: Барбара Матич (-70 кг, 2 карра жаҳон чемпиони);

Куба: Энди Гранда (+100 кг, амалдаги жаҳон чемпиони);

Венгрия: Кристиан Тос (-90 кг, Токио-2020 Олимпиадаси бронза медали соҳиби ва жаҳон чемпиони);

Португалия: Жорж Фонсека (-100 кг, Токио-2020 Олимпиадаси бронза медали соҳиби ва 2 карра жаҳон чемпиони);

Сербия: Неманья Майдов (-90 кг, жаҳон чемпиони).

Бугунги кунга келиб, 46 мамлакатдан 279 нафар спортчи рўйхатдан ўтказилди. Талабномалар келишда давом этмоқда.