Дзюдочиларимиз Париж Олимпиадасига рекорд даражада лицензия қўлга киритишди

Париж-2024 Олимпиадасида юртимиз шарафини ҳимоя қиладиган терма жамоамиз аъзолари сони тасдиқланди. Эътиборлиси, делегациямиз ўз тарихида илк бор рекорд даражада дзюдочи билан Олимпия ўйинларида қатнашади. Эркаклар тўлиқ (7 дзюдочи) таркибда, аёллар эса 4 та вазнда Парижга боради. Шунингдек, дзюдочиларимиз жамоавий микс баҳсларида ҳам қатнашади.

Шу тариқа, Париж-2024 Олимпиадаси учундзюдочиларимизнинг қўлга киритилган жами лицензиялари 12 тани ташкил қилди.

Маълумот учун, шу кунларда аёллар терма жамоамиз Япониянинг Токио шаҳрида машғулотларни давом эттирмоқда. Эркаклар терма жамоамиз эса куни кеча Хорватиядан юртимизга қайтиб келди.