E’tiborimiz markazida yana Budapesht

O‘zbek sporti muxlislarining nigohi yana Budapesht shahriga qaratiladi. O‘tgan hafta ushbu shahar dzyudo bo‘yicha Gran-pri musobaqasini qabul qilgan bo‘lsa, bugundan e’tiboran qilichbozlik bo‘yicha jahon chempionatiga mezbonlik qiladi. 23 iyulgacha davom etadigan mazkur musobaqada sayyoramizning eng kuchli qilichbozlari jahon chempionligi va Tokio Olimpiadasining qimmatli reyting ochkolari uchun kurash olib borishadi, deya xabar bermoqda Milliy olimpiya qo‘mitasi. 

Reglamentga ko‘ra, bugun musobaqa doirasida ayollar o‘rtasida shpaga, erkaklar o‘rtasida sablya yo‘nalishi bo‘yicha bahslar o‘tkaziladi. Shpagachilarimizdan Malika Hakimova, sablyachilarimizdan Sherzod Mamutov, Pazilbek Genjebaev hamda Boburjon Rasulov bugun bo‘lib o‘tadigan saralash bellashuvlarida ishtirok etishadi.