ЕЧЛ. "Реал" - ПСЖ: "Галактикос"чилар ўртасидаги жанг!

Бугун тунги соат 01:00да мухлис ва мутахассисларни жиддий учрашув кутяпти. Европа чемпионлар лигаси нимчорак финал босқичидан ўрин олган "Реал" - "Пари Сен-Жермен" жамоалари ўртасида ажойиб баҳс бўлиб ўтади. 

Даҳшатли кўринишдаги афиша. Эски қадрдонлар тўқнашуви. Месси яна "Сантьяго Бернабеу"га қайтади, Рамос ҳам қайтиши мумкин эди. Бироқ унинг жароҳати бунга йўл қўймади. 

Бу баҳс билан параллел равишда "Манчестер Сити" - "Спортинг" учрашуви ҳам старт олади. Шубҳасиз, ном эътибори билан "Реал" - ПСЖ ҳар қанақасига "оғир тош босади". 

"Реал"

Мадрид клуби яна барқарор ҳолатга қайтиб олди. ПСЖга учралган мағлубиятдан сўнг жамоа ўзини йўқотиб қўйгандек эди, гўё. Бироқ ҳозир жамоа анча ўзини ўнглаб олди. Жамоанинг ички чемпионатдаги ҳолати ПСЖникига ўхшаб кетади. Фарқи ”Реал”ни 2-ўриндаги клубдан 8 очко ажратиб турибди. 

Ном ва тарих жиҳатидан ”Қироллик клуби” фаворитдек кўринса-да, аслида, вазият ундай эмас. Барибир Месси, Неймар каби юлдузлар кўп нарсани ҳал қилиб ташлаши мумкин. Шу боис, меҳмонларда кичик устунлик бор, деб айтишимиз мумкин.

ПСЖ

Парижликлар ҳар томонлама хотиржам ҳаракат қилмоқда. Чемпионатда катта фарқ билан олдинда.Чемпионлар лигасида плей-оффнинг 1-ўйинини ғалаба билан якунлаган. Шунингдек, таркибда юлдузлар тўла. Ҳар бири ёлғиз ўзи муҳим ўйинларни ҳал қилиб қўйишга қодир. Неймар, Месси ва Ди Мария етмаганидек, Мбаппе ҳам ”Реал”га қарши ўйинда иштирок этиши кутилмоқда. Аввалроқ, унда жароҳат борлиги айтилганди.

Ушбу баҳс олдидан Париж клубининг кейинги босқичга чиқиш имкониятлари юқори. Сабаби, илк ўйинда Почеттино шогирдлари ўйин тарафлама "Реал"ни қийнаб кўйганди. Бугунги ўйин олдидан "қироллик клуби"да йўқотишлар кўплигини инобатга олсак, парижликларнинг вазифаси бироз осонроқ. Бироқ Чемпионлар лигасидаги тажриба нуқтаи назаридан олиб қарасак, тарози палласи тенглашади. Шундай экан, ПСЖ илк ўйиндаги натижани унутган ҳолда, майдонга тушиши лозим.  

Учрашувлар тарихи

Ўйинлар сони : 8 тa

“Реал“ : 3 ғалаба

ПСЖ : 2 ғaлaбa

Дуранг : 2 тa

"Реал"га оид янгиликлар

Каземиро ва Менди кўп сариқ карточка олгани сабаб дисквалификация қилинган.

Крооснинг майдонга тушиши сўроқ остида. Унда жароҳат борлиги айтилмоқда.

ПСЖга оид янгиликлар

Эррера, Рамос ва Бернат жароҳат сабаб бугунги ўйинни ўтказиб юбориши кутилмоқда. 

Мбаппе ва Паредес учрашувда иштирок этиши номаълум бўлиб турибди.

Мураббийлар фикри

Карло Анчелотти: 

“Энг яхши "Реал" энг яхши ПСЖга қарши кураша олади. Биринчи ўйинда биз мукаммал ПСЖни кўрдик. Иккинчи баҳсда оптимал ҳолатдаги "Реал"ни кўрамиз.

Биринчи учрашувда ўйлаганимиздек ҳаракат қила олмадик. Бизга уларнинг босими халақит берди.

Айни пайт нафақат Мбаппе, балки, Неймар ва Месси учун ҳам режаларимиз бор. Муҳими, ақл билан керакли натижани қўлга киритиш“.

Маурисио Почеттино:

“Реал" тасодифан 13 марта чемпионлар лигасида ғолиб бўлмаган. Бу клуб қанчалар юқори даражада эканини кўрсатиб турибди.

Шунга қарамай, биз улардан қўрқмаймиз. Ҳозирги таркиб билан кимдандир қўрқадиган аҳволда эмасмиз.

Биз курашишга тайёрмиз. Мағлубият ҳақида ўйлашнинг вақти эмас. Биз фақат ижобий натижа ҳақида бош қотиришимиз керак“.

Тахминий таркиблар

"Реал" : Куртуа; Карвахаль, Милитао, Алаба, Начо; Модрич, Камавинга, Валверде; Асенсио, Бензема, Винисиус. 

ПСЖ : Навас; Хакими, Маркиньос, Кимпембе, Мендеш; Гейе, Верратти, Перейра; Месси, Мбаппе, Неймар.