Эд Ширан Деклан Райсга ўз имзоси туширилган гитара совға қилди

Таниқли инглиз қўшиқчиси Эд Ширан "Арсенал" жамоаси яримҳимоячиси Деклан Райсга ўз имзоси туширилган гитарани совға қилди.

Райс совғага миннатдорчилик сифатида уни инстаграм саҳифасига жойлади.

Унда Эд Ширан шундай ёзганди: "Кейинги сафар кўришганимизда ушбу гитарани чалиб, қўшиқ куйлаймиз. Жарима зарбалари қотили".

Эслатиб ўтамиз, Деклан "Реал Мадрид"га қарши кечган Чемпионлар лигаси доирасидаги дастлабки учрашувда кетма-кет 2 та жарима зарбасидан унумли фойдаланган эди.

Маълумот учун, ушбу ёзда Эд Ширан "Ипсвич" жамоаси акционерларидан бирига айланган ва клубнинг 1.4 фоиз акцияларини сотиб олган.