Эдерсон Де Хеанинг хатосини такрорламоқчи эмас

“Манчестер Сити” дарвозабони Эдерсон “Челси”га қарши бўладиган УЕФА Чемпионлар лигаси учрашуви олдидан пенальти тепишни машқ қилмоқда.

TNT Sports тарқатган хабарга кўра, бразилиялик голкипер “Драгау” стадионида кечган финал олди машғулотларида 11 пенальти тепган ва ушбу зарбаларнинг 10 таси гол билан якунланган.

Эслатиб ўтамиз, жорий ҳафта “Вильярреал” ҳамда “Манчестер Юнайтед” жамоалари ўртасидаги Европа лигаси финалида ғолиб пенальтилар сериясида аниқланди. Шу куни 22 та пенальти амалга оширилиди ва якунда МЮ дарвозабони Давид Де Хеа ўзи йўллаган зарбани голга айлантира олмади. Натижада чемпионлик “Вильярреал”га насиб этди.

“Манчестер Сити” ҳамда “Челси” учрашуви бугун Тошкент вақти билан соат 00:00 да бошланади. Ушбу баҳсни Узрепорт телеканали орқали жонли эфирда томоша қилишингиз мумкин.